320
REGISTRES DU BUREAU
[i55a]
CCCXXXVI [CCLXXXV]. — [Confirmation par le Roi de l'election de Christophe de Thou
EN QUALITÉ DE PrÉvÔT DES MARCHANDS.]
20 août i55a. (Fol. 298.)
Lesd, scrutateurs et deppultez sont partis led. jour ct sont retournez le xx" jour d'Aoust ensuivant, et ont rapporté les lettres, dont la teneur ensuit :
k A noz tres chers et bien amez les Prevost des Mar­chans , Eschevins et Conseillers de nostre bonne ville et cité
de Paris.
19 août 1552.
"De par le Roy. * "Très chers et bien amez, nous avons receu vostre lettre du seiziesme de ce moys, avec le scruline que nous avez envoyé de l'eslection qui a esté faicte de me Christofle de Thou, nostre Notaire et Secretaire et advocat en la court de Parlement de Paris, en l'estat de Prevost des Marchans de lad. Ville, pour, icelluy scrutine veu, vous en mander et faire entendre nostre intencion. Et pour ce que la suffisance et sincérité dud. de Thou est telle qu'elle nous a semblé bien requise, utille et neccessaire pour l'administracion dud. estat, conduicte et direction des affaires qui peuvent survenir, tant pour le bien de nostre service que de lad. Ville, au temps où nous sommes, nous avons eu lad. eslection pouragreable, encores qu'elle soit contre et ou prejudice de l'edict par nous faict prohibitif au contraire -1', et ce pour ceste foys tant seullement, et sans tirer la chose à consequence pour l'advenir. Et pour ceste cause, escripvons presente­ment au premier President de nostredicte court de Parlement et aux commissaires qui seront appellez en la Chambre du Conseil lez nostre Chambre des Comptes à Paris, pour la reception de son serment, qu'ilz reçoivent led. de Thou au serment dud. estat, pour en joyr selon et ainsi que ont faict ses prede­cesseurs et qu'il est acoustumé en semblable.
"Donné à Villers Costeretz,le xixe jour d'Aoust mil vc lu. »
Signé : " HENRY. » Et au dessoubz: "Bourdin."
" A mess" le premier President ou autre president et
commissaires qui seront appellez en la Chambre du Con­seil lez la Chambre des Comptes à Paris, pour la reception du serment du Prevost des Marchans et Eschevins de lad. Ville.
19 août i55a.
"Mess", les Prevost des Marchans, Eschevins et Conseillers de la ville de Paris m'ont envoyé le scru­tine de l'eslection qui a esté faicte de la personne de me Christofle de Thou, mon Notaire et Secretaire eladvocat en la court de Parlement de Paris, en l'estat de Prevost des Marchans de lad. Ville, pour icelluy scrutine veu, en ordonner ainsi que bon me sem­bleroit. Et encores que lad. eslection soit contre et au prejudice de l'edict cy devant faict, prohibitif au contraire, neantmoings, pour l'asseurance que j'ay de la suffisance et intégrité dud. de Thou, qui m'a semblé grandement requise, utille et neccessaire pour l'administration dud. estat, conduicte et direc­tion des affaires qui peuvent survenir, tant pour le bien de lad. Ville que de mon service, au temps où nous sommes, j'ai eu lad. eslection pour agreable et veulx icelle sortir son effect, pour ceste foys tant seul­lement et sans tirer la chose à consequence pour l'advenir.
"Au moyen de quoy, sans aucunement vous ar­rester aud. edict ne qu'il soit besoing que je vous cn face expedier autres lettres ne mandement que cesd, presentes, signées de ma propre main, vous procé­derez incontinant à la reception dud. de Thou au serment dud. estat, et le mecterez en possession d'icelluy, pour en joyr selon et ainsi que ont faict ses predecesseurs, Prevoslz des Marchans, et qu'il est acoustumé en semblable. A quoy vous ne ferez faulte. Priant Dieu, mess", qu'il vous ayt en sa garde.
Escript à Villers Costeretz, le xix° jour d'Aoust mil vc lu."
Signé: "HENRY." Et au dessoubz : "Bourdin."
O II s'agit de l'édit de Fontainebleau du mois d'oclobre 1547, portant que 'es prévois, maires, échevins dautres officiers de villes ne pourront êlre choisis parmi les membres des cours souveraines ou des juridictions ordinaires et extraordinaires, les maîtres des comptes, les généraux de la justice des aides, les élus, elc Voir ci-dessus, p. 100, note 1. La dernière élection de Prévôt desMarchands s'était faite dans des conditions exactement semblables à celles-ci, puisque Claude Guyot, nommé le 16 août 1548 et réélu 16 août i55o, était aussi Notaire et Secrétaire du Roi. Voir ci-dessus, p. i35-i36.